Президент Наврўз байрами муносабати билан қатор давлатлар раҳбарларига табрик телеграммалари йўллади

ASTANА. Кazinform — Қасим-Жомарт Тоқаев Наврўз байрами муносабати билан қатор давлатлар раҳбарларига табрик телеграммалари йўллади. Бу ҳақда Ақорда матбуот хизмати хабар берди.

Давлат раҳбари Ўзбекистон Президенти Шавкат Мирзиёев, Қирғизистон Президенти Садир Жапаров, Тожикистон Президенти Эмомали Раҳмон, Туркманистон Президенти Сердар Бердимуҳамедов, Туркманистон Халқ Кенгаши Раиси Гурбангули Бердимуҳамедов, Озарбайжон Президенти Илҳом Алиев, Туркия Президенти Режеп Таййип Эрдоған, Эрон Президенти Масъуд Пезешкиан, Ироқ Президенти Абдул Латиф Рашид ва Покистон Бош вазири Шаҳбоз Шарифни байрам билан табриклади.

Қозоғистон Президенти ўз телеграммаларида Наврўз байрами мамлакатларнинг кўп асрлик дўстлик, қардошлик ва ўзаро ҳурмат анъаналарига ҳамоҳанг бўлиб, табиатнинг янгиланиши тимсоли эканини ёзган. Шунингдек, у Наврўзнинг муқаддас қадриятлари халқлар фаровонлигига қаратилган алоқаларни янада ривожлантиришга хизмат қилишига ишонч билдирди.

Эслатиб ўтамиз, Наврўз байрами муносабати билан Давлат раҳбари номига табрик телеграммалари келишда давом этмоқда.