Президент Мўғулистон Бош вазири Лувсаннамсрайн Оюун-Эрдэнэ билан учрашди
ULAN-BOTUR. Кazinform – Учрашувда Давлат раҳбари эришилган келишувларни юқори савияда бажариш учун икки давлат ҳукуматлари ҳамкорликда ҳаракат қилишлари зарурлигини таъкидлади.
“Бугун мен Президент Хурэлсухнинг таклифига биноан махсус давлат ташрифи билан мамлакатингизга келдим. Қозоғистон ва Мўғулистон ўртасидаги ҳамкорликка стратегик тус бериш мақсадида икки давлат ҳукуматлари олдида турган вазифаларни белгилаб олдик. Дарҳақиқат, бизга иқтисодий алоқаларимиз ривожига янги суръат бахш этадиган жуда йирик лойиҳалар керак”, – деди Қозоғистон Президенти.
Қасим-Жомарт Тоқаев кончилик, қишлоқ хўжалиги, транспорт ва логистика, туризм ва таълим соҳаларида қўшма ташаббусларни амалга ошириш муҳимлигини таъкидлади. Бош вазир Лувсаннамсрайн Оюун-Эрдэнэ Мўғулистон Ҳукумати давлат раҳбарлари даражасида қабул қилинган қарорларни амалга оширишга тайёр эканлигини тасдиқлади. Унинг сўзларига кўра, Улан-Батор Қозоғистоннинг ривожланиш йўлини яқиндан ўрганади.
