Президент МХҚнинг янги раисига бир қатор топшириқлар берди

ASTANА. Кazinform – Давлат раҳбари Қасим-Жомарт Тоқаев Миллий хавфсизлик қўмитаси раҳбарияти билан учрашув ўтказди ва қўмитанинг янги раиси Марат Ирменовни таништирди, деб хабар берди Акорда.

Тоқаев
Фото: Ақорда

Давлат раҳбари Қасим-Жомарт Тоқаев Миллий хавфсизлик қўмитасининг янги раиси Марат Ирменовни таништирди ва унга бир қатор вазифалар юклади.

Президент миллий хавфсизлик органлари тизимини ислоҳ қилиш, қўмита олдига қўйилган мақсадларга эришишнинг янги усулларини ишлаб чиқиш ва унинг фаолияти самарадорлигини ошириш зарурлигини таъкидлади.

Қасим-Жомарт Тоқаев "Қонун ва интизом" тамойилини амалга ошириш, иқтисодий соҳада давлатнинг миллий манфаатларини таъминлаш, коррупция ва бошқа қонунбузарликларга қарши курашишга алоҳида эътибор қаратиш кераклигини таъкидлади.

Президент шунингдек, кадрларни танлаш тартибини такомиллаштириш, ижтимоий-иқтисодий барқарорликка таҳдидларнинг олдини олиш ва устувор давлат дастурларини амалга ошириш жараёнида коррупция хавфларининг олдини олиш бўйича профилактика чораларини кучайтиришни буюрди.

Эслатиб ўтамиз, Марат Ирменов Миллий хавфсизлик қўмитаси раиси этиб тайинланди.