Президент Хромтау шаҳридаги 1-cонли ўрта мактабда бўлди

AQTÖBE. Kazinform - Қасим-Жомарт Тоқаев мактаб таълим фаолиятининг ўзига хос хусусиятлари ва ўқувчиларнинг лаборатория ишлари билан танишди, деб хабар беради Ақорда матбуот хизмати.

Президентга мазкур таълим муассасаси “Рақамли технологиялардан фойдаланган ҳолда Ақтўбе вилояти кичик қишлоқ мактаблари салоҳиятини ривожлантириш” пилот лойиҳасига киритилгани ҳақида маълум қилинди.

Пилот лойиҳа кичик мактабларда рақамли технологияларни қўллаш орқали таълим сифати ва ўқитиш самарадорлигини оширишга қаратилган. Лойиҳа доирасида ўқитувчилар масофадан туриб тажриба алмашадилар.

Давлат раҳбари мазкур таълим даргоҳи ва бошқа қишлоқ мактабларида ўқувчиларнинг онлайн режимида очиқ дарсида иштирок этди.

Шундан сўнг Қасим-Жомарт Тоқаев олис аҳоли пунктларида яшовчи болаларнинг таълим олиши учун қулай шарт-шароитлар яратиш мақсадида мактабга автобус совға қилди.

Бунгача Қасим-Жомарт Тоқаев Хромтау олий тоғ-кон техника коллежига борганини ёзган эдик.