Президент Ҳиндистон Бош вазирини Қозоғистонга давлат ташрифи билан келишга таклиф қилди
ASTANА. Кazinform — Қозоғистон Республикаси Президенти Ҳиндистон Бош вазири Нарендра Модига туғилган куни муносабати билан табрик телеграммасини йўллади. Бу ҳақда Ақорда матбуот хизмати хабар берди.
Қасим-Жомарт Тоқаев Нарендра Модининг доно ва оқилона раҳбарлиги остида Ҳиндистон иқтисодий ўсиш, барқарор ривожланиш ва илмий-технологик салоҳият бўйича глобал етакчилардан бири сифатидаги мавқеини мустаҳкамлаётганини таъкидлади.
— Давлат раҳбари Ҳиндистон Ҳукумати раҳбарига Нью-Деҳлида бўлиб ўтган БРИКС саммити давомида кўрсатилган ҳурмат ва меҳмондўстлик учун миннатдорчилик билдирди, — дейилади Ақорда хабарида.
Шунингдек, у Нарендра Моди билан самарали икки томонлама учрашувга эътибор қаратиб, уни Қозоғистонга давлат ташрифи билан келишшга таклиф қилди.
Қасим-Жомарт Тоқаев Бош вазирга давлат хизматида муваффақиятлар ва дўст Ҳиндистон халқига фаровонлик тилади.
