Португалияда катта динозавр скелети топилди
Помбал шаҳридаги мулк эгаси 2017 йилда қурилиш вақтида ўз ҳовлисида тошга айланган суяк бўлакларини пайқаб, қазиш кампаниясини бошлаган тадқиқот гуруҳи билан боғланган.
Испания ва Португалия палеонтологлари матбуот баёнотида қитъада ҳозиргача топилган энг катта зауропод-динозаврининг қолдиқларини топгани ҳақида маълум қилди. Зауроподлар - узун бўйинли ва думли ўтхўр тўрт оёқли динозаврлар. Динозаврнинг баландлиги тахминан 11,8 метр ва узунлиги 25 метрни ташкил этди.
Қазиш жойидан энг муҳим скелет элементлари, шу жумладан мумкин бўлган брахиозауруснинг умуртқалари ва қовурғалари тўпланган. Динозавр Ерда 160 дан 100 миллион йил олдин яшаган.
Динозавр қолдиқларининг сақланиш хусусиятидан келиб чиқиб, тадқиқотчилар унинг скелетининг бошқа қисмлари топилишига ишонишади.
Фото: www.cbsnews.com
