Португалия президенти ўрмон ёнғинлари хавфи ҳақида огоҳлантирди

LISBON. SINHUA - Кazinform - Португалия президенти Марселу Ребелу де Соуза мамлакатда яқин кунларда энг юқори чўққисига чиқадиган ва ҳафта давомида давом этадиган ёнғинлар хавфи туфайли аҳолини максимал даражада эҳтиёт бўлишга чақирди. Бу ҳақда Kazinform Sinhua агентлигига таяниб хабар беради.

Португалияда жазирама ва қурғоқчилик шароитида авж олган ўрмон ёнғинларини ўчиришга ҳаракат қилишмоқда.

Португалиянинг Фавқулодда вазиятлар ва фуқаролик мудофааси миллий бошқармаси /АNEPC/ Лиссабондаги штаб-квартирасида матбуотга берган интервьюсида давлат раҳбари 12 июл, сешанба кунидан бошлаб бутун мамлакат ҳудудини қамраб оладиган ёнғинлар хавфи кескин ошиши мумкинлигини тан олди. У аҳоли ва маҳаллий ҳокимият органларига бундай хавф-хатарлар билан боғлиқ фаолиятни чеклашни сўради.

Португалия мамлакатнинг марказий қисмидаги ёнғинлар муносабати билан фавқулодда ёрдам сўраш учун Европа Иттифоқи фуқаролик ҳимояси механизмини фаоллаштирди.

«Бугун эрталаб Европа Комиссияси дарҳол жавоб тариқасида Испанияда жойлашган флотидан иккита Cаnadair ёнғин ўчириш самолётини сафарбар қилди», - деди ЕИ ижрочи органи баёнотида.

Португалиянинг марказий минтақасида ва унинг Испания билан чегарасида вазият ёмонлашмоқда, бу эса Лиссабонни ўрмон ёнғинларига қарши курашда асбоб-ускуналар, ходимлар ва самолётлар алмашиш учун Мадрид билан кучларни бирлаштиришга ундади.

Фото: russian.news.cn