Покистонда йўл транспорт ҳодисасида 13 киши ҳалок бўлиб, 30 дан ортиғи жароҳатланди

ISLOMOBOD. Kazinform – Пайшанба куни тонгга яқин Покистоннинг жанубидаги Синд провинциясининг Суккур туманида йўловчилар автобуси ағдарилиб, камида 13 киши ҳалок бўлди ва 30 дан ортиғи жароҳатланди, деб хабар беради Kazinform Синьхуа агентлигига таяниб.

Суккур тумани полициясининг катта супериндентанти Ирфан Само мухбирларга автобуснинг мамлакат шарқидаги Панжоб провинциясининг Мултан шаҳридан жанубдаги Синда провинциясининг маркази Карачига бораётганлигини гапириб берди.

Йўл-транспорт ҳодисаси сабабларини аниқлаш учун тергов ҳаракатлари бошланди. Баъзи маҳаллий ОАВнинг манбаларга таяниб хабар беришича, ҳайдовчи бурилишда транспортни бошқара олмай қолган.

Жароҳатланганлар Рори туманидаги касалхонага етказилди. Касалхонанинг тибиий супериндентанти Перваиз Ахтар ОАВга 6 кишининг воқеа жойида ҳалок бўлганлигини, қолганлари эса касалхонага борар йўлда ёки касалхонада вафот этганини таъкидлади.