Покистонда автобус ёниб кетиши оқибатида 18 киши ҳалок бўлди

None
ISLAMABAD. Kazinform – Чоршанба куни кечқурун Покистон жанубидаги Синд провинциясида йўловчи автобуси ёниб кетиши оқибатида камида 18 киши, жумладан, саккиз нафар бола вафот этди, 28 киши жабрланди. Бу ҳақда маҳаллий полиция раҳбари ўринбосари Важид Тахим маълум қилди, дея хабар беради Kazinform Синьхуа агентлигига таяниб.

Унинг сўзларига кўра, воқеа Жамшоро округдаги Нуробод яқинида содир бўлган. Автобус Карачи порт шаҳридан Даду округдаги Хайрпур-Натан-Шохга кетаётган эди.

Полиция маълумотларига кўра, дастлабки тергов ёнғинга совутиш тизимидаги носозлик сабаб бўлганини кўрсатган. Воқеа жойига полиция, қутқарувчилар ва ўт ўчирувчилар етиб бориб, ёнғинни ўчирди, жабрланганларни ва вафот этганларнинг жасадларини касалхонага етказди.

Автобус салонида бир қишлоқдан 55 нафар йўловчи бўлган. Важид Тахимнинг қайд этишича, ҳалок бўлганлар орасида саккиз нафар бола ҳам бор.



Foto: news.cn


Сўнгги хабарлар
telegram