Покистон бош вазири Бишкекдаги воқеа юзасидан хавотир билдирди

ASTANA. Kazinform - Покистон бош вазири Шаҳбоз Шариф Қирғизистон Республикаси пойтахтида чет эл фуқаролари билан боғлиқ ҳодисага эътибор қаратаётганини маълум қилди. Бу ҳақда 24.kg ёзди.

«Биз Бишкекдаги покистонлик талабалар билан боғлиқ вазиятдан жуда хавотирдамиз. Мен Покистон элчисига барча зарур қўллаб-қувватлаш ва ёрдам кўрсатишни топширдим. Биз элчихона билан алоқадамиз ва доимий равишда вазиятни кузатиб борамиз”, - деб ёзди Шаҳбоз Шариф Х тармоқда.

Эслатиб ўтамиз, Бишкекда 13 май куни ётоқхона меҳмонлари ўртасидаги муштлашув билан бошланган кескин вазият оммавий тартибсизлик билан якунланди.

Қирғизистон Республикаси Вазирлар Маҳкамаси Бишкекдаги воқеа юзасидан баёнот берди.