Песков: Қозоғистон Президенти кучли сиёсий арбоб
ASTANА. Кazinform — Россия Президентининг матбуот котиби Дмитрий Песков Қозоғистон Президенти Қасим-Жомарт Тоқаевни жуда кучли сиёсий арбоб деб атади. Бу ҳақда Кazinform агентлиги «Вести» янгиликлар порталига таяниб хабар беради.
Кремль расмийси бу ҳақда журналист Павел Зарубин билан суҳбатда айтди.
Песков Тоқаевнинг Владимир Путин ҳақидаги баёнотига изоҳ берди.
— Президент Тоқаев — жуда кучли сиёсий арбоб. Унинг сиёсий ресурслари ҳам жуда кенг. Фақат келажакни сиёсий жиҳатдан кўра оладиган, кучли позицияларга эга ва изчил одамларгина бундай фикр билдириши мумкин. Бошқалар эса бундай фикр билдира олмайди, — деди Песков.
Аввалроқ Қасим-Жомарт Тоқаев Россия Президенти Владимир Путинни яхши билишини ва мураккаб тарихга эга катта давлатни бошқариш учун зарур фазилатларга эга эканлигини айтган эди.
Эслатиб ўтамиз, Давлат раҳбари Россия Президенти Владимир Путин билан телефон орқали мулоқот қилди.
