Пекиндаги қишки Олимпиада ўйинлари учун чипталар сотиш тартиби аниқланмади

BEIJING. Кazinform - Пекин Олимпиадаси ташкилий қўмитаси 2022 йилги қишки Олимпиада ўйинлари учун чипталар сотиш тартибини аниқламади. Бу ҳақда пайшанба куни Хитой Халқ Республикаси Давлат кенгаши матбуот хизматида бўлиб ўтган брифингда Пекин-2022 ташкилий қўмитаси бош котиби Хан Цзижун маълум қилди, дея хабар беради Kazinform мухбири.

Хан Цзижуннинг айтишича, чипталар савдоси масаласи жамоатчиликни ташвишга солмоқда. Коронавирус тарқалишининг олдини олиш ва халқаро спорт мусобақалари иштирокчилари хавфсизлигини таъминлаш мақсадида Олимпиадани хорижлик мухлисларсиз ўтказишга қарор қилинди.

«Биз «ички томошабинлар» учун чипта сотиш сиёсатини ишлаб чиқмоқдамиз. Тайёр бўлгач, белгиланган тартибда расмий каналлар орқали эълон қиламиз», — деди у.

Пекин-2022 ташкилий қўмитаси раҳбари Халқаро олимпия қўмитаси билан яқин алоқада эканлигини ва эпидемиологик вазиятдан келиб чиққан ҳолда маҳаллий мухлисларга чипталар сотиш сиёсатини белгилашини айтди. Пекиндаги Қишки Олимпия ўйинлари 2022 йилнинг 4-20 феврал кунлари бўлиб ўтади.

Муаллиф: Руслан Сулейменов