Пекиндаги Қишки Олимпиада ўйинлари синов тадбирига келган спортчи CОVID-19 билан касалланганлиги аниқланди

BEIJING. Kazinform - Бобслей бўйича халқаро машғулотлар ҳафталиги ва Бобслей бўйича жаҳон кубогида иштирок этиш учун Пекинга келган хорижлик спортчида коронавирус аниқланди. Бу ҳақда Олимпия қўмитасининг Пекиндаги тарғибот бўлими раҳбари Чжао Вэйдун маълум қилди, дея хабар беради Kazinform мухбири.

Спортчининг исми ва миллати ошкор этилмаган. Қайд етилишича, хорижлик спортчи аввал асемптоматик инфекция ташхиси қўйилган яқин алоқада бўлганлардан бири бўлиб чиқди.

Касалланган одам изоляцияга жойлаштирилади ва шифокорлар назорати остида.

Бу Қишки Олимпиада ўйинлари олдидан Пекинга синов тадбири ўтказиш учун келган хорижлик спортчилар орасида CОVID-19 биринчи марта аниқланаётгани йўқ. Ноябр ойи бошида яна икки чет эллик спортчида коронавирус аниқланганди.

Янги мавсумдаги жаҳон кубогининг бошланғич босқичи 2021 йил ноябр ойи охирида Яньцин шаҳридаги Олимпия мажмуасида бўлиб ўтади.

ХХIV қишки Олимпия ўйинлари Пекинда 2022 йилнинг 4-20 феврал кунлари бўлиб ўтади.

Муаллиф: Руслан Сулейменов