Пекин Олимпиадасининг эсдалик совғалари тугаб қолди

NUR-SULTAN – Кazinform – Дўконларда Пекин Олимпиадаси рамзлари туширилган сувенирлар тугаб қолди, дея хабар бермоқда Kazinform хитойлик манбага таяниб.

«Шу муносабат билан 8 феврал куни Шарқий Хитойнинг Цзянсу провинциясининг Цидон шаҳридаги лицензияга эга завод ишчилари Bing Dwen Dwen маҳсулотлари ишлаб чиқаришни тезлаштирди», — дейилади хабарда.

2022 йилда Пекинда бўлиб ўтаётган қишки Олимпиада ўйинларининг туморига айланган Bing Dwen Dwen миллионлаб мухлислар қалбидан жой олди.

Албатта, Пекин Олимпиадасига борадиган ҳар бир фуқаро Олимпиада логотипи туширилган эсдалик совғасини сотиб олади.

Бугун маҳаллий аҳоли эсдалик совғаларини ҳам харид қилмоқда. Шунинг учун ҳам дўконлар олдида узун навбатлар юзага келган.

Пекиндаги Қишки Олимпиада ташкилотчилари сешанба куни Bing Dwen Dwen қўғирчоғининг Хитой Янги йилига бағишланган махсус версияси яқинда сотувга чиқишини ва лицензияланган товарлар савдоси камида июн ойи охиригача давом этишини айтишди.