Павлодарлик шифокор самолётда аҳволи оғирлашган йўловчини қутқариб қолди
PAVLODAR. Kazinform — Павлодарлик шифокор Мурат Сулейменов самолёт бортидаги фавқулодда вазиятда ёрдам кўрсатди. У парвоз вақтида ҳушидан кетган йўловчи аёлнинг ҳаётини сақлаб қолди.
ҚР Вилоят соғлиқни сақлаш бошқармаси хабарига кўра, 29 декабрь куни Тошкентдан Астанага учаётган самолётда бир йўловчининг аҳволи кескин ёмонлашган. Шунда самолёт бортида павлодарлик анестезиолог-реаниматолог Мурат Сулейменов ҳам бўлган. У ҳушидан кетган аёлга зудлик билан тиббий ёрдам кўрсатди. Гувоҳларнинг сўзларига кўра, у бемор билан бир соатча ёнида бўлиб, ёрдам кўрсатган.
Экипаж аъзоларининг ва Мурат Сулейменовнинг уйғун ишлаши, ҳамда шифокорнинг юқори профессионаллиги туфайли аёлнинг аҳволи сезиларли даражада яхшиланиб, йўлини осон ва хавфсиз давом эттиришга муваффақ бўлди.
Мурат Сулейменов Павлодар темир йўл касалхонасида анестезиолог бўлиб ишлайди, юқори малака тоифасига ва 28 йиллик иш тажрибасига эга.
