Павлодарда катодли мис ишлаб чиқарувчи корхона ташкил этилмоқда
PAVLODAR. Кazinform - Лойиҳани амалга ошириш учун хусусий компания ҳисобидан 9,4 миллиард тенге сармоя киритилади. Йилига 5 минг тонна катодли мис ишлаб чиқариш режалаштирилган. Бу ҳақда Павлодар вилояти ҳокими матбуот хизмати хабар берди.
“Павлодар вилояти ҳокими Асайин Байханов «Fonet Er-Tai Mining» МЧЖ компаниялар гуруҳи раҳбарияти билан йиғилиш ўтказди. Айни пайтда «Fonet Er-Tai AK MINING» МЧЖ томонидан “Коджанчад конлар гуруҳи” конларидан катодли мис ишлаб чиқарувчи гидрометаллургия заводини қуриш” йирик инвестиция лойиҳасини амалга ошириш бошланди. Инвестиция ҳажми - 9,4 млрд тенге. Завод йилига 5 минг тонна катодли мис ишлаб чиқариш қувватига эга бўлади. Янги ишлаб чиқаришда 300 та иш ўрни яратилади”, - деди вилоят ҳокими матбуот хизмати.
Томонлар 2024-2026 йилларга мўлжалланган инвестиция лойиҳасини амалга оширишнинг барча босқичларини муҳокама қилдилар. Бугунги кунда «KEGOC» АЖ билан электр таъминоти тармоқларини қуриш бўйича музокаралар олиб борилиб, улаш учун техник шартлар олинди. Мазкур лойиҳа вилоятдаги устувор инвестиция лойиҳалари қаторига киритилиши режалаштирилмоқда.
