Павел Дуров Bloomberg миллиардерлари рейтингига киритилди
ASTANA. Kazinform - Telegram асосчиси Павел Дуров илк бор Bloomberg Billionaires Index (BBI) миллиардерлар рейтингига киритилди, дея хабар беради Кazinform агентлиги Bloombergга таяниб.
Дуров 9,15 миллиард доллар бойлиги билан 279-ўринни эгаллади (россияликлар орасида 17-ўрин).
BBI маълумотларига кўра, Илон Маск 241 миллиард доллар билан дунёнинг энг бой одами бўлиб қолмоқда, Жефф Безос 207 миллиард доллар ва Бернард Арно 182 миллиард доллар билан ундан кейинги ўринларга жойлашган.
Meta корпорацияси раҳбари Марк Цукерберг 177 миллиард доллар бойлиги билан тўртинчи ўринни эгаллади, Билл Гейтс эса 157 миллиард доллар билан дунёдаги энг бой бешинчи киши бўлиб қолмоқда.
Рейтингда қайд этилган қозоғистонликлар орасида Владимир Ким ҳам бор, у 7,47 миллиард доллар билан 374-ўринни эгаллаб, ўтган йил давомида 311 миллион доллар ишлаб топган.
Миллиардерлар рейтингида Қозоғистоннинг яна бир вакили Вячеслав Ким 6,71 миллиард доллар билан 420-ўринни эгаллаб турибди.
Bloomberg миллиардерлар рейтинги - дунёдаги энг бой 500 кишининг кундалик рейтинги. Маълумотлар Нью-Йоркдаги ҳар бир савдо кунининг охирида янгиланади.
