Парранда гриппи эпидемияси АҚШда рекорд миқдордаги товуқларни нобуд қилди

ASTANA. Кazinform - Эпидемия Шукрона кунида анъанавий таом бўлган тухум ва курка гўшти нархининг ошишига олиб келди, дея хабар беради Kazinform «Америка Овози»га таяниб.

АҚШ қишлоқ хўжалиги маълумотларига кўра, парранда гриппи жорий йилда АҚШда 50,54 миллион қушни нобуд қилди ва бу мамлакат тарихидаги энг ҳалокатли эпидемияга айланди. Товуқлар, куркалар ва бошқа қушларнинг нобуд бўлиши ҳозирги кунга қадар паррандалар саломатлиги учун энг ёмон офат бўлиб, 2015 йилда парранда гриппи авж олган пайтда 50,5 миллион қуш нобуд бўлган олдинги рекордни янгилади.

Инфекция кўпинча паррандаларнинг ўлимига олиб келади. Паррандачилик фермалари касаллик тарқалишини олдини олиш учун миллионлаб паррандаларни битта парранданинг ижобий синовидан сўнг ўлдиради.

Паррандачиликнинг йўқолиши тухум ва курка гўшти нархининг рекорд даражада ошишига олиб келди, бу юқори инфляцияга дуч келган истеъмолчиларнинг иқтисодий муаммоларини кучайтирди ва АҚШда Шукрона куни таомлари нархини оширди.

Фото: privadmin.ru