Париж Олимпиадасида Ўзбекистон шарафини 90 нафар спортчи ҳимоя қилади

ТASHKENT. Кazinform - Париждаги ёзги Олимпия ўйинларида Ўзбекистон шарафини 90 нафар спортчи ҳимоя қилади. Улар спортнинг 19 тури бўйича беллашадилар. Бу ҳақда президент Шавкат Мирзиёев иштирокидаги кенгашда маълум қилинди, дея хабар беради Кazinform агентлигининг Ўзбекистондаги мухбири Алихан Асқар.

Кенгашда маълум бўлишича, Олимпиадага йўлланма олган ўзбекистонлик спортчиларнинг 36 фоизини аёллар ташкил этади.

Спортчиларни тайёрлаш бўйича индивидуал стратегия ишлаб чиқилиб, уларнинг саралаш ва тайёргарлик машғулотларида иштирок этиши учун тўлиқ шароитлар яратилди. Спортчилар республикадаги 15 та олимпия ва паралимпия марказлари ва спорт базаларида машғулотлар олиб боришди.

Президент Шавкат Мирзиёев кенгаш якунларидан келиб чиқиб, иқтидорли ёшларни қўллаб-қувватлаш, терма жамоалар учун сифатли захира яратиш бўйича мутасадди идораларга топшириқлар берди.