Париж-2024: Жанил Балтабаева Паралимпия ўйинларига йўлланмани қўлга киритди
ASTANА. Кazinform - Венгриянинг Сегед шаҳрида параканоэ бўйича лицинзион жаҳон чемпионатида Жанил Балтабоева Париж—2024 Паралимпия ўйинларига йўлланмани қўлга киритди.
“Жисмоний имкониятлари чекланганлар учун спорт машғулотлари маркази” матбуот хизматига кўра, чемпионатнинг В финалида (VL3 классы) иштирок этган қозоғистонлик спортчи 200 м масофани 1:05,83 сонияда босиб ўтиб, маррага иккинчи бўлиб етиб келди. Ушбу мусобақада польшалик Моника Кукла 1:05,45 сония натижа билан биринчи, франциялик Елеа Чарвет 1:07,33 натижа билан учинчи бўлди.
“Париж – 2024 Паралимпия ўйинларининг саралаш босқичида параканоэнинг VL3 тоифасида 10 та йўлланма ўйналди. Шу жумладан, ушбу жаҳон чемпионатида сўнгги тўртта йўлланма ўйналди. Чемпионат финали А ва В гуруҳлари ўртасида бўлиб ўтди. А гуруҳи – аввалги лицензион турнирларда ғолиб чиққан 6 нафар спортчи ва ушбу чемпионатнинг ярим финалида энг яхши натижа кўрсатган Ўзбекистон спортчиси саралаб олинди. Спортчимиз Жанил Балтабаева В гуруҳида баҳс олиб борди. У маррага биринчи етиб келган спортчидан атиги 0,38 сония ортда қолди. Мусобақа регламентига кўра, А гуруҳидан 7 нафар ва В гуруҳидан 3 нафар спортчи Париж–2024 Паралимпия ўйинларига йўлланма олади”, — деди жисмоний имконияти чекланган шахслар учун спорт машғулотлари маркази раҳбари Ерсултан Жолшиев.
Бу билан Жанил мамлакатнинг Паралимпия ўйинларига 12-лицензиясини қўлга киритди. Бунгача каноэда эшкак эшиш бўйича Спатай Бибарис, пауэрлифтинг бўйича Давид Дегтярев, енгил атлетика бўйича Дастан Муқашбеков, ўтириб ўйналадиган волейбол бўйича терма жамоа, параўқ отиш бўйича Еркин Ғаббасов, парасузиш бўйича учта йўлланма, паратаэквондо бўйича Нурлан Домбаев, Камиля Досмалова ва Нишан Умирали учта йўлланмани қўлга киритди.
Париж-2024 Паралимпия ўйинлари 28 августдан 8 сентябргача бўлиб ўтади.
