Париж-2024: Йўлланмалар сони 39 тага етди

ASTANA. Kazinform – Франция пойтахти Парижда бўлиб ўтадиган XXXIII ёзги Олимпия ўйинларига қозоғистонлик спортчилар томонидан қўлга киритилган йўлланмалар сони 39 тага етди.

Аввал айтиб ўтганимиздек, Япония пойтахти Токиода каноэда эшкак эшиш бўйича ўтказилган Осиё чемпионатида Қозоғистон терма жамоаси Париж Олимпиадасига 6 та лицензияни қўлга киритди.

Аниқроқ айтадиган бўлсак, бугун Қозоғистон аёллар терма жамоаси (Мария Бровкова, Руфина Искакова) каноэда 500 метрга эшкак эшиш бўйича чемпион бўлиб, Париж Олимпиадасига йўлланмани қўлга киритган бўлса, Қозоғистон эркаклар жамоаси (Бекарис Раматулла, Сергей Токарницкий) байдаркада 500 метрга эшкак эшиш бўйича биринчи бўлди ва Парижга йўлланмани қўлга киритди.

Бунгача эса Сергей Емельянов ва Тимур Хайдаров жуфтлиги 500 метрга каноэда эшкак эшишда Олимпиада йўлланмасини қўлга киритгани ҳақида ёзган эдик.

Спортнинг ушбу тури бўйича жуфтлик баҳсларида лицензияни қўлга киритган икки эшкакчи Олимпиаданинг шахсий баҳсларида иштирок этади.

Шу тариқа, каноэ ва байдарка эшкак эшиш бўйича Осиё чемпионатида Қозоғистон миллий терма жамоаси Париж Олимпиадасига 6 та йўлланмани қўлга киритди. Бу кўрсаткич ўзгариши мумкин. Ҳали 2 кунлик мусобақалар бор.

Эслатиб ўтамиз, ҳозирда Қозоғистон ҳисобида 14 спорт тури бўйича 39 та лицензия (37 нафар спортчи) мавжуд.

Осиё чемпионатида каноэда 500 метрга эшкак эшишда Ульяна Кисилева кумуш, байдаркада (500 метр) Ольга Шмелева ва Ирина Подойникова жуфтлиги бронза медалини қўлга киритди.

Татьяна Токарницкая (байдарка, 200 м) ва Виктор Степанов (каноэ, 200 м) Олимпия ўйинлари дастурига киритилмаган масофада олтин медални қўлга киритди.