Париж-2024: Олимпиадада Қозоғистон шарафини ҳимоя қиладиган курашчилар ва камончилар кимлар
ASTANА. Кazinform — Франция пойтахти Париж шаҳрида бўлиб ўтадиган ХХXIII ёзги Олимпия ўйинлари бошланишига бугун роппа-роса 7 кун қолди.
Шу муносабат билан бугун эркин кураш, юнон-рум кураши ва камондан отиш бўйича мусобақаларда иштирок этадиган спортчиларни қисқача таништириб ўтмоқчимиз.
Олимпиадага борадиган спортчилар ҳақида қисқача маълумот:
Эркин кураш
Азамат Нурбекулй Даулетбеков 1994 йил 15 мартда Семей шаҳрида туғилган.
Жаҳон чемпионатининг 2 карра бронза медали совриндори (2022, 2023)
Алишер Ерғалиули Ерғали 1999 йил 12 апрелда Жамбил вилоятида туғилган.
Юсуп Султанмагоматович Батирмурзаев 1996 йил 13 апрелда Доғистонда туғилган.
У 2013 йилдан буён Қозоғистон номидан мусобақаларда қатнашади.
Мейрамбек Картбай 1997 йил 30 ноябрда туғилган.
Юнон-рум кураши
Нурсултан Чингизбекули Турсинов 1991 йил 30 январда Семей шаҳрида туғилган.
Айдос Султанғалиули Султанғали 1996 йил 7 февралда Қизилўрда шаҳрида туғилган.
Демеу Нурдаулетули Жадраев 1989 йил 2 ноябрда Жетису вилояти, Алакўл тумани, Ушарал шаҳрида туғилган.
Алимхан Алишерули Сиздиқов 1994 йил 14 июнда туғилган.
Камондан отиш
Ильфат Ринатули Абдуллин 1998 йил 9 январда Жетису вилояти, Ескелди тумани, Қорабулоқ қишлоғида туғилган.
Даулеткелди Болатули Жанбирбай 2004 йил 2 июнда Жетису вилояти, Ескелди тумани, Қорабулоқ қишлоғида туғилган.
Александр Александрович Еременко 2004 йил 9 июнда Жетису вилояти, Талдиқорған шаҳрида туғилган.
Эслатиб ўтамиз, айни пайтда тўрт йиллик мусобақага йўлланмани қўлга киритган қозоғистонлик спортчилар сўнгги машғулотларни ўтказишмоқда. Қозоғистон терма жамоаси спортнинг 25 тури бўйича Олимпия ўйинларига 92 та йўлланма қўлга киритди.
Хусусан, бокс, дзюдо, гимнастика, енгил атлетика, байдарка ва каноэда эшкак эшиш, ўқ отиш, қиличбозлик, юнон-рум кураши, эркин кураш, камондан отиш, стендда отиш, теннис, велошоссе, сузиш, замонавий бешкураш, таэквондо, велотрек, батут гимнастикаси, бадминтон, академик эшкак эшиш, бадиий гимнастика, триатлон, стол тенниси, қояга кўтарилиш ва брейкинг бўйича Олимпия ўйинларида иштирок этади.
Франция пойтахти Париж шаҳрида бўлиб ўтадиган XXXIII ёзги Олимпия ўйинлари 26 июлдан 11 августгача бўлиб ўтади. Ўйинларда 205 давлатдан 10 500 нафар спортчи иштирок этиши режалаштирилган. Унда 32 спорт туридан 329 та медаллар жамланмаси ўйналади.
Куни кеча Олимпиадада Қозоғистон шарафини ҳимоя қиладиган атлеткачилар ва велоспортчилар ҳақида ёзган эдик.
