Париж-2024: Нишонга ўқ отиш ва гимнастика бўйича Қозоғистон шарафини кимлар ҳимоя қилади
ASTANA. Kazinform - Бугун Франция пойтахти Париж шаҳрида бўлиб ўтадиган XXXIII ёзги Олимпия ўйинлари бошланишига 3 кун қолди. Шу муносабат билан бугун нишонга ўқ отиш ва гимнастика бўйича Қозоғистон шарафини ҳимоя қилаётган спортчиларни қисқача таништириб ўтмоқчимиз.
Олимпиадага борадиган спортчилар ҳақида қисқача маълумот:
Нишонга ўқ отиш бўйича
Ислам Назарғожайули Сатпаев – 1998 йил 21 сентябрда Алмати шаҳрида туғилган.
Арина Романовна Алтухова - 2003 йил сентябр ойида Алматида туғилган.
Никита Константинович Чирюкин - 2002 йил 5 июлда Чимкент шаҳрида туғилган.
Константин Константинович Малиновский - 1999 йил 3 августда Алмати шаҳрида туғилган. 2023 йилги жаҳон чемпионатининг кумуш ва 2 карра бронза медали соҳиби.
Ирина Дмитриевна Юнусметова – 2001 йил 25 ноябрда Чимкент шаҳрида туғилган.
Александра Георгиевна Ле - 2004 йил 3 майда Алматида туғилган.
Спорт гимнастикаси бўйича
Милад Карими - 1999 йил 21 июнда Алмати шаҳрида туғилган. 2023 йилда Бельгияда ўтказилган жаҳон чемпионатида кўпкураш бўйича бронза медалини қўлга киритди.
Нариман Ҳусанжанович Қурбанов – 1997 йил 6 декабрда Алмати шаҳрида туғилган. 2023 йилда Ханчжоу шаҳрида бўлиб ўтган ёзги Осиё ўйинларида от снаряди бўйича илк бор медаль қўлга киритди.
Эслатиб ўтамиз, айни пайтда тўрт йилда бир бўладиган мусобақага йўлланмани қўлга киритган қозоғистонлик спортчилар сўнгги машғулотларни ўтказяптилар. Қозоғистон терма жамоаси спортнинг 25 тури бўйича Олимпия ўйинларига 92 та йўлланма қўлга киритди.
Хусусан, спортчиларимиз бокс, дзюдо, гимнастика, енгил атлетика, байдарка ва каноэда эшкак эшиш, ўқ отиш, қиличбозлик, юнон-рум кураши, эркин кураш, камондан отиш, стендда отиш, теннис, велошоссе, сузиш, замонавий бешкураш, таэквондо, велотрек, батут гимнастикаси, бадминтон, академик эшкак эшиш, бадиий гимнастика, триатлон, стол тенниси, қояга кўтарилиш ва брейкинг бўйича Олимпия ўйинларида иштирок этади.
Франция пойтахти Париж шаҳрида бўлиб ўтадиган XXXIII ёзги Олимпия ўйинлари 26 июлдан 11 августгача бўлиб ўтади. Ўйинларда 205 давлатдан 10 500 нафар спортчи иштирок этиши режалаштирилган. Унда 32 спорт туридан 329 та медаллар жамланмаси ўйналади.
