Париж-2024: Миллий терма жамоа формаси, медалларга даъвогар спортчилар, йўлланмалар сони муҳокама қилинди
ASTANА. Кazinform - Париж Олимпиадаси бошланишига роппа-роса 158 кун қолди. Шу муносабат билан Астана шаҳридаги Париж-2024 Олимпиадасига тайёргарлик штабида Қозоғистон Республикаси Туризм ва спорт вазирлиги Спортни ривожлантириш дирекцияси ва Қозоғистон Республикаси Миллий Олимпия қўмитаси вакиллари иштирокида навбатдаги қўшма йиғилиш бўлиб ўтди.
Ушбу учрашувда бир қатор масалалар муҳокама қилинди.
Режага кўра, спортнинг 25 тури бўйича лицензиялар сонини 90 тага етказиш кўзда тутилган. Шунингдек, совринларга даъвогар бўлган 54 нафар спортчи рўйхати тузилди. Жамоа сардорлари ҳар бир спорт турининг ўзига хос хусусиятларини ҳисобга олган ҳолда алоҳида режа асосида тайёрланади. Бир сўз билан айтганда - уларга ҳеч нарса керак бўлмайди. Олимпиада олдидан тест мусобақаларида қатнашиш муҳимлиги тъкидланди. Ҳар бир спорт тури бўйича мусобақа жадвалига кўра, жамоаларнинг Парижга парвоз вақти белгилаб қўйилган.
Қолаверса, миллий терма жамоалар спорт формаси дизайни ва уни тайёрлашга ҳам алоҳида эътибор қаратилиши таъкидланди.
Эслатиб ўтамиз, бугунги кунда Қозоғистон терма жамоаси ҳисобида спортнинг 8 тури бўйича 19 та йўлланма мавжуд (камондан отиш – 4 та, шосседаги велоспорт – 3 та, нишонга отиш – 5 та, замонавий бешкураш – 2 та, бокс – 2 та, юнон-рум кураши – 1 та, эркин кураш – 1 та , спорт гимнастикаси – 1 та).
Эслатиб ўтамиз, 2024 йил 17 апрель куни бутун мамлакат бўйлаб “Олимпиадага 100 кун” тадбири ўтказилади. Шу куни флеш-моблар, спорт мусобақалари ташкил этилади.
Тўрт йилликнинг асосий мусобақаси Франция пойтахти Парижда 26 июлдан 11 августга қадар бўлиб ўтади. Унда дунёнинг 205 давлатидан 10 мингдан ортиқ спортчи иштирок этиб, 32 спорт тури бўйича 329 та медаллар жамланмаси ўйналади.
