Париж-2024: Қозоғистон ҳисобида 48-чи йўлланма

ASTANA. Kazinform - Бугун Қозоғистон терма жамоаси Франция пойтахти Париж шаҳрида бўлиб ўтадиган XXXIII ёзги Олимпия ўйинларига 48-чи йўлланмани қўлга киритди.

Аниқроқ айтадиган бўлсак, Айгерим Сарибай Бирлашган Араб Амирликларида ўтказилган қиличбозлик мусобақасида финалда Кю Винг Чуни (Хитой) мағлуб этиб, Олимпиада ўйинлари лицензиясини қўлга киритди.

Эслатиб ўтамиз, бунгача қозоғистонлик спортчилар спортнинг 16 та тури бўйича жами 46 та йўлланма қўлга киритган эди.

Хусусан, бокс — 7 та, нишондан ўқ отиш — 5 та, юнон-рум кураши — 4 та, камондан отиш — 4 та, қиличбозлик — 4 та, эркин кураш — 3 та, каноэ ва байдарка эшкак эшиш — 3 та, велоспорт — 3 та, замонавий бешкураш — 2 та, спорт гимнастикаси — 2 та, таэквондо — 2 та, бадминтон — 1 та, академик эшкак эшиш — 1 та, енгил атлетика — 1 та, трамполин — 1 та, ўқ отиш бўйича 1 лицензия.

Эслатиб ўтамиз, XXXIII ёзги Олимпия ўйинлари 2024 йил 26 июлдан 11 августга қадар бўлиб ўтади.