Париж - 2024: АҚШ жами 94 та медаль қўлга киритди

PARIS. Kazinform - Франция пойтахти Парижда бўлиб ўтаётган Олимпиада ўйинларида АҚШ терма жамоаси 94 та медаль қўлга киритиб, рақибларини ортда қолдирди.

Аниқроғи, АҚШ терма жамоаси ҳисобида 27 та олтин, 35 та кумуш ва 32 та бронза бор. Ҳозиргача улар Париж Олимпиадасидан жами 94 та медаль қўлга киритиб, якка тартибда пешқадамлик қилмоқда.

Хитой терма жамоасида эса бундан 2 та олтин кам. Уларда 25 та олтин, 23 та кумуш ва 17 та бронза бор. Жами медаллар сони 65 тага етди.

Кучли учликни Австралия терма жамоаси якунлаб беради. Уларда 18 та олтин, 12 та кумуш, 11 та бронза (41) медаль бор.

Париж Олимпиадасида 1 та олтин, 3 та кумуш, 3 та бронза (7) медални қўлга киритган қозоғистонлик спортчилар 28-ўринда. Бугун Париж Олимпиадасида 3 давлат ўзининг биринчи совринларини қўлга киритди. Шу тариқа Париж Олимпиадасида медаль қўлга киритган давлатлар сони 72 тага етди.

Олимпиада мезбони Франция ҳозирда тўртинчи ўринни эгаллаб турибди. Уларнинг ҳисобида 13 та олтин, 17 та кумуш, 21 та бронза (51 та) бор. Жами Олимпия ўйинларида 48 давлат олтин, 63 давлат кумуш ва 72 давлат бронза медалини қўлга киритди.

Эслатиб ўтамиз, Франция пойтахти Париж шаҳрида ўтказилаётган XXXIII ёзги Олимпия ўйинлари 11 августда якунланади. Ўйинларда дунёнинг 205 давлатидан 10 500 нафар спортчи иштирок этмоқда. Олимпиадачилар 32 спорт туридан 329 та медаллар жамланмаси учун курашади.