Параспортчи Нурдаулет Жумағали Қозоғистонга бешинчи олтин медални тақдим этди

Қозоғистонлик сузувчи Нурдаулет Жумағали Хитойнинг Ханчжоу шаҳрида бўлиб ўтаётган Осиё ўйинларида чемпион бўлди, деб хабар беради Kazinform агентлиги мухбири.

Н.Жумағали SB13 тоифасида 100 метрга брасс усулида сузишда 1:05,92 натижа билан маррага биринчи бўлиб етиб келди.

Ўзбекистонлик Фирдавсбек Мусабеков иккинчи, яна бир қозоғистонлик Нурали Советқанов учинчи ўринни эгаллади.

Шу тариқа Қозоғистоннинг олтин медаллари сони 5 тага етди.

Бундан ташқари, ғарбий қозоғистонлик паратаэквондочи Марям Салимгереева 65 кг вазн тоифасида бронза медалини қўлга киритди.

Ғарбий Қозоғистон вилояти Жисмоний тарбия ва спорт бошқармасидан олинган маълумотларга кўра, Марям Магомедсаидовна 1998 йил 13 мартда Россия Федерациясининг Доғистон Республикаси Каспийск шаҳрида туғилган.

2015-2019 йилларда Махачқалъа шаҳридаги Доғистон давлат педагогика университетининг жисмоний тарбия ва ҳаёт хавфсизлиги асослари факультетини тамомлаган ва олий маълумотга эга бўлган.

Университетда ўқиб юрган кезларида паратаэквондо билан шуғуллана бошлаган.

2021 йилда у оиласи билан Ғарбий Қозоғистон вилояти Бўрли тумани маркази Оқсой шаҳрига кўчиб келган.

Мураббийи - Қозоғистонда хизмат кўрсатган мураббий Ербол Мерғалиев.

Эслатиб ўтамиз, аввалроқ Қозоғистон Параосиё ўйинларида яна учта медални қўлга киритгани ҳақида хабар берган эдик.

Парадзюдочи Олжас Оразалиули Қозоғистонга тўртинчи олтин медални тақдим этди.

Муаллиф: Ғайсағали Сейтақ