Паралимпия ўйинларида Қозоғистон байроғини ким кўтариб чиқади

ASTANA. Kazinform - Франция пойтахти Парижда Паралимпия ўйинларининг очилиш маросимида Қозоғистон байроғини ким кўтариб чиқиши маълум бўлди. Аниқроқ айтадиган бўлсак, Паралимпия ўйинларида пара волейболчи Берик Измағанбетов ва пара ўқ отиш бўйича Севда Алиева мамлакат байроғини олиб юради.

Қозоғистонлик пара спортчилар Олимпия ўйинларида саккизинчи бор иштирок этмоқда. 1996 йилдан буён қозоғистонлик спортчилар ёзги Паралимпия ўйинларида 7 та медаль (2 та олтин, 4 та кумуш ва 1 та бронза) қўлга киритган.

Қозоғистон бўлажак Париж Паралимпиадаси учун 33 та лицензияни қўлга киритди. 44 нафар спортчи спортнинг 9 та тури (пара сузиш, пара пауэрлифтинг, пара атлетика, пара каноэ, пара таэквондо, пара волейбол, пара ўқ отиш, пара стол тенниси, пара дзюдо) баҳсларида иштирок этади.

10 нафар пара дзюдочи Паралимпия соврини учун татамига кўтарилади.

Париждаги мусобақада иккита собиқ Паралимпия чемпиони ва иккита медаль совриндори иштирок этади.

Улар: Зулфия Ғабидуллина – Рио Паралимпиадаси чемпиони

Давид Дегтярев Токио Паралимпиадаси чемпиони

...

Нурдаулет Жумағали - Токио Паралимпиадасининг бронза медали совриндори

Раушан Қойшибаева - Рио Паралимпиадасининг кумуш медали совриндори

Энг ёш спортчи - Альфия Тилекқабил (пара дзюдо, 18 ёш)

Энг кекса спортчи - Зулфия Ғабидуллина (пара сузиш, 59 ёш).

Қозоғистон волейбол терма жамоаси жаҳон рейтингида 75 давлат орасида 6-ўринни эгаллаб турибди.

Қозоғистон спортчилари бу йил биринчи марта стол тенниси бўйича Паралимпия ўйинларига йўлланмани қўлга киритди. Бу мусобақада мамлакат шарафини Али Мақулбеков ҳимоя қилади.

Энг тажрибали спортчи – Зулфия Ғабидуллина. Бу йил у тўртинчи Паралимпия ўйинларида иштирок этади.