Панама бозорида отишма содир бўлди

ASTANA. Kazinform – Якшанба куни кечқурун номаълум шахс Панаманинг тарихий маркази яқинидаги денгиз маҳсулотлари бозорида ўт очди, дея хабар беради Kazinform Еuronewsга таяниб.

Ўша пайтда Панама ва Мексика терма жамоалари ўртасидаги «КОНКАКАФ Олтин Кубоги» финал ўйинини юзлаб мухлислар томоша қилди. Учрашув катта телевизор экранида намойиш этилди.

Отишма овозини эшитган одамлар ваҳимага тушиб, югуриб, яширина бошлашди. Воқеа видеога олинган. Кадрларда полиция қуролли шахсни ҳибсга олганини ҳам кўриш мумкин.

Расмийларга кўра, ҳеч ким жабрланмаган.

Панама Мексикага 0:1 ҳисобида имкониятни бой берди.