Озарбайжонда биринчи марта фуқаролик самолётларини ишлаб чиқариш бошланди

«Global Force Technology Inc» компанияси Озарбайжон ҳудудида самолёт двигателлари ва кичик фуқаро авиацияси самолётларини ишлаб чиқариш лойиҳасини ишлаб чиқди, деб хабар беради Каzinform.

Ушбу лойиҳа туфайли саноатдаги энг янги технологиялардан фойдаланган ҳолда ишлаб чиқариш яхшиланади. Компания икки йилдан бери ушбу лойиҳани ишлаб чиқмоқда.

Бозор тадқиқотлари шуни кўрсатдики, ушбу ишлаб чиқариш минтақада биринчи бўлади. Унинг амалга оширилиши Озарбайжонга жаҳон бозорига чиқиш ва мамлакатнинг юқори технологияли авиация маҳсулотлари ишлаб чиқарувчиси сифатида нуфузини ошириш имконини беради.

Лойиҳани амалга ошириш учун рухсатнома ва сертификатлар олиш учун тегишли давлат органларига зарур ҳужжатлар аллақачон тақдим этилган.