Озарбайжон Россияга тухум жўнатди

19 декабр куни Озарбайжондан Яраг-Газмалар назорат пункти орқали Россияга 36 тонна (612 минг дона) тухумнинг биринчи партияси жўнатилди. Бу ҳақда Озарбайжон Республикаси озиқ-овқат хавфсизлиги агентлиги маълум қилди, дея хабар беради Кazinform.

Озарбайжондан Россия бозорларига тухум етказиб бериш тўғрисидаги қарор жорий йилнинг ноябрь ойида Озарбайжон Республикаси озиқ-овқат хавфсизлиги агентлиги раиси Гошгар Тахмазли ва Росселхознадзор раҳбари Сергей Данквертнинг Озарбайжонга ташрифи чоғида ўтказилган музокаралар натижасида қабул қилинган.

Айтилишича, Озарбайжондан Россияга паррандачилик маҳсулотларини (айниқса, тухум) экспорт қилиш бўйича келишувга Озарбайжонда паррандачилик маҳсулотлари хавфсизлигини назорат қилиш тизимининг халқаро стандартларга жавоб бериши сабаб бўлган.