Озарбайжон пойтахтида Алмати вилояти кунлари бўлиб ўтмоқда

BOKU. Kazinform – Боку аҳолиси ва меҳмонлари Welcome to KZ ахборот-туризм лойиҳаси доирасида Алмати вилоятининг маданияти ва табиий бойликлари билан танишиш имконига эга бўлди, деб хабар беради Kazinform.

«Хорижий кўргазмада вилоятимиз номидан иштирок этиш катта шарафдир. Алмати вилояти нафақат ўзининг гўзал табиати, балки бой маданияти билан ҳам машҳур. Кўргазма меҳмонлари маҳаллий туризмнинг ўзига хос жиҳатлари билан ҳам яқиндан танишиш ва кўчманчилар санъати – лочинлик ҳақида кўпроқ маълумот олиш имконига эга бўлади», - дейилади Алмати вилояти туристик ахборот маркази хабарида.

Welcome to KZ лойиҳаси Қозоғистон Республикасининг Озарбайжондаги элчихонаси кўмагида Discovery Almaty сайёҳлик оператори томонидан икки давлат ўртасида дипломатик муносабатлар ўрнатилганининг 30 йиллиги муносабати билан амалга оширилмоқда.

Қозоғистоннинг икки турдаги кўргазмалар ўтказилади – ҳар ҳафта Қозоғистоннинг турли вилоятлари томонидан тақдим этиладиган ва доимий бўлиб 7 та асосий экспозиция намойиш этилади.

Ташкилотчиларга кўра, Welcome to KZ 1-31 август кунлари Озарбайжон пойтахти Боку шаҳридаги Приморский булварида бўлиб ўтмоқда.