“Оtbasy bank” 20 миллионинчи бўлиб туғилган 5 нафар болага 2 миллион тенгедан беради

“Оtbasy bank” Қозоғистоннинг 20 миллионинчи резиденти бўлган 5 нафар болага 2 миллион тенгедан беради. Бу ҳақда “Оtbasy bank” АЖ бошқаруви раиси Лаззат Ибрагимова маълум қилди, деб хабар беради Kazinform.

"Оtbasy bank" мамлакатнинг 20 миллионинчи резиденти бўлган болалар келажагига ҳисса қўшмоқчи. Уларга ҳар бирининг номинал қиймати 2 миллион тенге бўлган совға сертификатини берамиз. Ушбу сертификат шунчаки совға эмас. Бу ёрқин келажакка чипта. Бу маблағлар хусусий уй сотиб олишда биринчи қадам бўлади”, — деди у Марказий коммуникациялар хизматида бўлиб ўтган матбуот анжуманида.

Унга кўра, гувоҳномадан фойдаланиш учун болаларнинг ота-оналари ўзлари яшаётган шаҳардаги банк филиалига бориб, шахсини тасдиқловчи ҳужжат ва боланинг туғилганлик ҳақидаги гувоҳномасини кўрсатиши керак. Видеобанкинг орқали ҳам мурожаат қилиш мумкин.

“Бунинг учун ота-оналарга 3 ой муддат берилади”, - деди Лаззат Ибрагимова.

Аҳоли сони бўйича база маълумотларга кўра, 2023 йил 14 ноябрь куни эрталаб соат 8.10 да туғилган 5 нафар бола мамлакатнинг 20 миллионинчи аҳолиси бўлди. Чақалоқлар Улитау, Жетису, Атирау, Ақмола ва Туркистон вилоятларида туғилган. Уларнинг 3 нафари ўғил, 2 нафари қиздир.