Осиё ўйинлари: Абиба Абужақинова, Эсмигул Қуюлова ва Сакен Бибосинов болалигида қўшни бўлган

Хитойнинг Ханчжоу шаҳрида бўлиб ўтаётган Осиё ўйинларида медаль қўлга киритган миллий спортчилар Абиба Абужқинова, Эсмигул Қуюлова ва мусобақани тарк этган Сакен Бибосиновлар болалигида бир қишлоқда яшаган, деб хабар беради Кazinform мухбири.

Бу уч нафар спортчи Ўзбекистоннинг Чирчиқ тумани Товоқсой қишлоғида туғилган. Бу маълумотни Абиба Абужақинова Кazinform мухбири билан суҳбатда тасдиқлади.

“Ҳа, Сакен ва Эсмигул қўшниларим. Эсмигул билан яхши муносабатда эдик, ўшанда Сакенни танимасдим. Кейинроқ учрашдим. Бокс билан шуғулланарди, балки шунинг учун бир-биримизни танимагандирмиз. Аслида Сакен билан бир уруғданмиз”, — дея жавоб берди спортчи Абиба Абужақинова Кazinform мухбирининг саволига.

Дарвоқе, Олимпиада совриндори Сакен Бибосинов 13 ёшида Ўзбекистондан Қозоғистонга кўчиб ўтган. Абиба Абужақинова ҳам болалигида тарихий ватанига қайтиб, Алматидаги республика спорт коллежига ўқишга кирди. Сакен ва Абиба тенгдош, бир кунлик фарқи бор. Боксчи С.Бибосинов 1997 йил 3 июлда, дзюдочи Абиба Абужақинова 1997 йил 4 июлда таваллуд топган. Эсмигул Қуюлова 2002 йил 11 майда туғилган.

Бугун дзюдочилар Абиба Абужақинова ва Эсмигул Қуюлованинг Осиё ўйинларидаги учрашувлари якунланди. Биринчиси мамлакат саватчасига кумуш медаль келтирган бўлса, иккинчиси учинчи ўринга сазовор бўлди.

Муаллиф: Алихан Асқар