Осиё ўйинлари-2025: Керлинг бўйича Қозоғистон аёллар терма жамоаси иккинчи ғалабасини қўлга киритди

HARBIN. Kazinform – Керлинг бўйича Қозоғистон аёллар терма жамоаси Хитойнинг Харбин шаҳрида ўтказилаётган IX қишки Осиё ўйинларида иккинчи ғалабасини нишонлади.

Қозоғистонлик қизлар гуруҳ босқичининг 8-сессиясида Филиппин терма жамоаси билан бўлиб ўтган ўйинда маҳорат кўрсатди. Жамоа таркибида Тилсимай Аллиярова, Мерей Тастемир, Анжелина Эбауер, Екатерина Колихалова ва Регина Эбауер куч синашди.

Биринчи бўлимда филиппинликлар бир очкога ортда қолди. Иккинчи бўлимда эса қизларимиз яхши ўйнаб, 2 очкога эга бўлдилар.

Учинчи бўлимда рақиб ҳисобни тенглаштирган бўлса-да, ҳамюртларимиз кетма-кет икки таймда ғалаба қозониб, ҳисобни 4:2 кўринишига олиб келдилар. Бироқ филиппинлик қизлар кетма-кет икки очко жамғариб, ҳисобни тенглаштирдилар.

Ҳал қилувчи босқичда қизларимиз рақибга ҳеч қандай имконият қолдирмади ва ғалабани тортиб олди. Якуний ҳисоб 5:4.

Эслатиб ўтамиз, бу Қозоғистон аёллар терма жамоасининг гуруҳ босқичидаги тўртинчи ўйини ва иккинчи ғалабасидир. Бунгача қизларимиз японияликларга 4:10 ҳисобида имкониятни бой берган бўлса, Тайбэй терма жамоасини 14:0 ҳисобида мағлуб этганди.

Кеча Қозоғистон терма жамоаси мезбон Хитой терма жамоасига қарши ўйинда 4:11 ҳисобида мағлуб бўлди.