Осиё чемпионати: 7 ноябр куни 7 нафар қозоғистонлик боксчи рингга чиқади

ASTANA. Kazinform - Бугун, 7 ноябр куни бокс бўйича Осиё чемпионати чорак финалининг сўнгги жангларида Қозоғистон номидан 7 нафар боксчи иштирок этади, деб хабар бермоқда Kazinform мухбири.

Астана вақти билан соат 16:00да бошланадиган кундузги сессияда тўрт нафар қозоғистонлик чарм қўлқоп устаси рингга чиқади. Терма жамоа вакили Асланбек Шимбергенов (71 кг) 4-жуфтликда ҳиндистонлик Сачин билан, 5-жуфтликда Нурқанат Райис (75 кг) қирғизистонлик Сағин Сатибалдуулуу билан куч синашади.

12-жуфтликда Нурбек Оралбай (80 кг) таиландлик Веерапон Джонгджо, 15-жуфтликда Назим Қизайбай (50 кг) мўғулистонлик Мунгунсаран Балсан билан куч синашади.

Шунингдек, Астана вақти билан соат 21:00да бошланадиган кечки сессияда 3-жуфтликда Сағиндиқ Тоғамбай (86 кг) тожикистонлик Наврўз Джафоев, 7-жуфтликда Айбек Оралбай (92 кг) ҳиндистонлик Навин Кумар билан учрашади. 9-жуфтликда Қамшибек Қонқабаев (92 кг дан юқори) жанубий кореялик боксчи До Хён Ким билан куч синашади.

Муаллиф: Адилжан Умбет

Фото: nova.rs