«Омикрон» штамми Форс кўрфазига етиб борди

NUR-SULTAN. Кazinform - Сколково фан ва технология институти олимлари Африка давлатлари билан ҳаво чегарасини ёпиш коронавируснинг тарқалишининг олдини олишда ёрдам беради дейишмоқда, деб маълум қилди профессор Георгий Базикин.

«Ушбу чора штамм тарқалишининг дастлабки босқичларида самарали. «Россияда «омикрон» қанчалик кенг тарқалгани ҳалигача номаълум бўлган бир пайтда чегараларни ёпиш керак», - деди Базикин.

Маълумки, Россия Федерацияси Соғлиқни сақлаш вазири коронавирус тарқалиши сабабли Африканинг 9 давлати ва Гонконгдан Россияга киришни тақиқлаш тўғрисидаги буйруқни имзолади, деб хабар беради COVID-19 тарқалишининг олдини олиш бўйича идоралараро комиссиясининг Тelegram -канали.

«Омикрон» штамми билан касалланишнинг биринчи ҳолати Форс кўрфазида қайд этилган. Бу ҳақда Баҳрайн Қироллиги Соғлиқни сақлаш вазирлиги маълум қилди.

«Омикрон» билан касалланган одам чет элдан мамлакатга келган. Бундан ташқари, карантин чораларига риоя қилиш натижасида қироллик доирасида ҳеч қандай алоқа ўрнатилмагани таъкидланди.

Бугунги кунга қадар Баҳрайнда коронавирус инфекцияси билан касалланганлар сони 277 997 нафарга етди, КВИ оқибатида 1396 киши вафот этди. Шунингдек, мамлакат бўйича 1 191 857 киши ёки аҳолининг 79,4 фоизи камида битта компонент билан эмланган. 1 миллион 164 минг 525 киши ёки аҳолининг 77,6 фоизи эмлашнинг тўлиқ курсидан ўтди.