Олжас Бектенов: ШҚВдаги тошқинга қарши тадбирларга 3 мингдан ортиқ киши сафарбар қилинди
ASTANA. Kazinform - ҚР Бош вазири Олжас Бектенов Петропавлда Есил дарёси ўз каналидан тошиб кетиши оқибатида шаҳар ва унга яқин аҳоли пунктларини сув тошқинидан ҳимоя қилиш учун тўғонларни мустаҳкамлаш ишларини кўздан кечирди. Бу ҳақда ҚР Ҳукумати матбуот хизмати хабар берди.
Ҳукумат раҳбари Тепличное ва Кожевенная қишлоқларидаги ҳимоя қўрғонлари ҳолатини кўздан кечирди, 2017 йилдаги сув тошқинидан кейин амалга оширилган ишлар ҳисоботини тинглади.
Айни пайтда Сергеев сув омборида сув сатҳининг кўпайиши ҳисобга олиниб, мавжуд тўғонларни мустаҳкамлаш, уларнинг узунлиги ва баландлигини ошириш ишлари олиб борилмоқда. Тошқин даври бошидан буён аҳоли пунктлари кўчалари ва ҳовлиларидан 440 минг м3 сув тортилди. 165 километрдан ортиқ ариқлар тозаланди, 2,7 километр каналлар кенгайтирилди ва чуқурлаштирилди.
Олжас Бектенов аҳолининг сув тошқини қурбонларини қўллаб-қувватлаш чора-тадбирлари ва амалга оширилаётган ишлар ҳақидаги саволларига жавоб берди, кўрсатган ёрдам ва қўллаб-қувватлаганликлари учун кўнгиллилар ва мутахассисларга миннатдорчилик билдирди.
Ҳукумат раҳбари жалб этилган қўшимча куч ва техникани ҳисобга олган ҳолда тўғонларни мустаҳкамлаш суръатларини жадаллаштириш, жумладан, уларнинг баландлигини ошириш зарурлигини таъкидлади.
“Шахсий таркиб ва Миллий гвардия ишга сафарбар этилди. Полк ҳам кучайтирилади. Мудофаа вазирлиги қўшилди, чунки кучлар етарли бўлиши керак. Энди кучларни бирлаштиришимиз керак. Кейинги 2-3 кун ичида жиддий оқибатларнинг олдини олиш учун кўп ҳаракат қилишимиз керак. Энг аввало, одамлар жабр кўрмаслиги муҳим”, — деди Олжас Бектенов.
Айни пайтда сув тошқинининг олдини олиш тадбирларида ҳокимлик, ПД, Миллий гвардия бўлинмаси ва хусусий ташкилотларнинг 1432 нафар ходими, 1200 нафар кўнгилли иштирок этмоқда. Бош вазир топшириғига кўра бугун Мудофаа вазирлигининг 300 нафар ҳарбий хизматчиси етиб келди. Шу тарзда жами 3000 га яқин одам сафарбар этилди.
Шимолий Қозоғистон вилоятидаги сув тошқини билан боғлиқ вазият алоҳида назоратга олинган. Бош вазирнинг биринчи ўринбосари Роман Скляр ҳам шу ерда. Фавқулодда вазиятлар штаблари кечаю кундуз ишлайди.
