Олимлар товуқлар нима учун қизаришини аниқладилар

ASTANA. Kazinform – Франция Қишлоқ хўжалиги, озиқ-овқат ва атроф-муҳит миллий тадқиқот институти олимлари уй товуқлари ғазаб, қувонч ва бошқа ҳис-туйғулардан қизариб кетишини аниқлади.

Тадқиқот Applied Animal Behavior Science журналида чоп этилди.

Олимлар суссекс зотини танладилар. Қушлар Луара водийсидаги фермада уч ҳафта давомида кузатув остида бўлган.

Кейин тадқиқотчилар тажриба давомида олинган товуқларнинг 18 000 та фотосуратини танлаб олдилар. Олимлар терининг қизариши даражасини таҳлил қилиш учун материалларни дастурга юкладилар.

Натижада товуқларга мазали таом берилганда бироз қизариб кетиши, нохуш ҳодисалар юз берганда (масалан, товуқни қувганда) юз териси қизариб кетиши аниқланган.

Олимларнинг фикрига кўра, товуқларнинг қизариб кетиши ҳақидаги маълумотлар уларнинг ҳиссий ҳолатини яхшироқ тушунишга ва шунга мос равишда уларнинг ҳолатини баҳолашга имкон беради.