Октябрь ойида Қозоғистонда энг кўп қайси турдаги транспорт воситалари рўйхатга олинди

ASTANA. Kazinform - 2026 йил октябрь ойида Қозоғистонда 172,2 мингта транспорт воситаси рўйхатдан ўтказилди. Уларнинг асосий қисмини, яъни 153,8 мингтасини енгил автомобиллар ташкил этди. Бу ҳақда Kazinform агентлиги ҚР Миллий статистика бюросига таяниб хабар беради.

Октябрь ойида Қозоғистонда энг кўп қайси турдаги транспорт воситалари рўйхатга олинди
Фото: dvizhok.su

Енгил автомобиллардан ташқари, 9,9 мингта юк автомобили, 4,6 мингта тиркама, 1,3 мингта автобус, 0,8 мингта мотоцикл ва 1,8 мингта бошқа турдаги транспорт воситалари рўйхатга олинган.

1 ноябрь ҳолатига кўра, Қозоғистонда жами 6 миллион 140,7 мингта транспорт воситаси рўйхатдан ўтган. Уларнинг 83,9 фоизини енгил автомобиллар, 8,1 фоизини юк автомобиллари, 4,3 фоизини тиркамалар, 1,5 фоизини автобуслар, 1,2 фоизини мотоцикллар ва 1 фоизини бошқа транспорт воситалари ташкил этади.

Транспорт воситаларининг аксарияти, яъни 79,9 фоизи бензинда ҳаракатланади. Автомобилларнинг 7,5 фоизи дизель ёқилғисида, 6,5 фоизи аралаш ёқилғида, 0,4 фоизи эса газда ҳаракатланади. Яна 43 056 та транспорт воситаси ёки умумий кўрсаткичнинг 0,7 фоизи электр энергиясида ишлайди.

Электр транспорт воситаларининг энг кўпи Алмати шаҳрида рўйхатга олинган — 22 065 та. Кейинги ўринларда Астана шаҳри (3 662 та), Алмати вилояти (3 120 та) ва Ақмола вилояти (1 805 та) қайд этилган.