Оғир жиноят содир этгани учун қидирувда бўлган Ўзбекистон фуқароси Қозоғистонда қўлга олинди

Шарқий Қозоғистон вилоятида полиция оғир жиноят содир этгани учун халқаро қидирувда бўлган Ўзбекистон фуқаросини қўлга олди, дея хабар беради Kazinform Polisia.kzга таяниб.

Ҳуқуқ-тартибот идоралари ходимлари томонидан Ўскемен шаҳридаги ижарага олинган хонадонлардан бирида ўтказилган тезкор-қидирув тадбирлари давомида хорижлик жиноятчи қўлга олинди. 39 ёшли Ўзбекистон фуқароси оғир жиноят, яъни катта ҳажмдаги мулкни ўғирлаш жиноятини содир этгани учун бир йилдан ортиқ вақтдан бери халқаро қидирувда бўлган.

- Ҳозирда қўлга олинган шахс вақтинчалик сақлаш изоляторига жойлаштирилди. Ўзбекистонлик ҳамкасбларга жиноятчининг жойлашуви ҳақида хабар берилди, - деди Шарқий Қозоғистон ПД бошлиғи Ерлан Омарбеков.