Оғир вазнли қозоғистонлик WBА чемпионининг навбатдаги жанги санаси маълум бўлди

NUR-SULTAN. Кazinform - Оғир вазндаги қозоғистонлик боксчи Қамшибек Қонкабаевнинг (4-0, 3 КО) навбатдаги про-рақиби маълум бўлди, дея хабар беради Кazinform Sports.kzга таяниб.

Ақтау шаҳрида 25 март куни Токио Олимпиадасининг бронза медали совриндори ва ҳаваскорлар ўртасидаги жаҳон чемпионатининг икки карра кумуш медали совриндори Қ. Қонқабаев Жанубий Африка боксчиси Жонни Мюллер (23-9-2, 14 КО) билан учрашади.

Жанубий африкалик боксчи 2009 йилдан буён профессионал боксда иштирок этиб келмоқда. У деярли барча жангларини ўз ватанида ўтказган ва ундан ташқарида фақат уч марта жанг қилган. Жумладан, 2015 йилда - Украинада Александр Усик билан (12 раундлик жангнинг 3-раундида нокаут билан ютқазган). 2014 йилда у WBC International Silver унвонига эга бўлди.

Қонқабаев ва Мюллер WBА Gold камари учун жанг қиладилар.