Оғир атлетикачи Алексей Чуркин Осиё чемпионатида олтин медални қўлга киритди

ASTANA. Kazinform - Қозоғистонлик оғир атлетикачи Алексей Чуркин Доҳада (Қатар) ўтказилган ўсмирлар ўртасидаги Осиё чемпионатида ғолиб чиқди, дея хабар беради Kazinform агентлиги Olympic.kzга таяниб.

Оғир атлетикачи 89 килограмм вазн тоифасида ғолибликни қўлга киритди. Ҳаммаси бўлиб Чуркин 360 (163+197) килограммни кўтарди.

Иккинчи ўрин Илия Салехипур (Эрон)га насиб этди – 356 (161+195) килограмм. Аббоспур Алириза (Эрон) бронза медалига сазовор бўлди - 355 (159+196) килограмм.

Эслатиб ўтамиз, яқинда Манама шаҳрида катталар ўртасида ўтказилган жаҳон чемпионатида Чуркин кумуш медални қўлга киритган эди.

Аввал Қатарда (Доҳа) бўлиб ўтаётган оғир атлетика бўйича ёшлар ва ўсмирлар ўртасидаги Осиё чемпионатида спортчиларимиз медалларни қўлга киритиш ва янги жаҳон рекордларини ўрнатишда давом этаётгани ҳақида хабар берилганди. Улар орасида ўсмирлар ўртасидаги Осиё чемпионатида олтин медални қўлга киритган Денис Полубояринов ҳам бор.