Нью-Йорк марказида актёр Стив Бушемига ҳужум уюштирилди

Нью-Йорк марказида актёр Стив Бушемига ҳужум уюштирилди
Фото: nypost.com

ASTANA. Kazinform - Машҳур америкалик актёр Стив Бушеми кундузи Манхеттен марказида ҳужумга учради, деб хабар беради Каzinform мухбири New York Postга таяниб.

66 ёшли Стив Бушеми суратга олиш гуруҳи аъзолари билан биринчи марта кўринишида, Нью-Йорк кўчаларида уйи яқинидаги Ист-Сайд туманининг Кипс-Бей маҳалласида номаълум шахс томонидан сабабсиз ҳужумга учраганидан кейин кўзлари ва иягида жароҳат кўринди.

Даҳшатли воқеа кузатув камерасига тушиб қолган, у ерда афро-америкалик эканлиги тахмин қилинган эркак кундузи актёрнинг ёнига келиб, ҳеч қандай сабабсиз унинг бошига мушт туширган. Гувоҳларнинг сўзларига кўра, жабрланувчи ҳеч нарсани кўрмаган ва кутилмаган ҳужумдан ерга қулаган. Ўз навбатида ҳужумчи ўз ҳаракатини давом эттирди ва ғойиб бўлди.

Стив Бушеми Нью-Йоркда машҳур бруклинлик бўлиб, у «Фарго», “Қутурган итлар” ва “Катта Лебовски” каби машҳур фильмларда рол ўйнаган.

Нью-Йорк полицияси статистик маълумотларига кўра, 2023 йилда мегаполисда жиноятларнинг умумий даражаси 2022 йилга нисбатан бир фоизга камайган, аммо 2020 ва 2021 йилларга нисбатан ошган.

2023 йилда қотилликлар сони 386 тани ташкил этди ва шаҳарда 2022 йилга нисбатан ҳужумлар 6,3% ва йирик ўғирликлар 15,0% га ошган. Пичоқлаш ва пичоқ ишлатилган қотилликлар сони ҳам 5 фоиздан ошиб, 2022 йилдаги 4318 тадан 2023 йилда 4553 тага етган.

Нью-Йоркда 12 та ҳудуд энг хавфли ҳисобланади: Бронксда — Мотт-Хейвен, Хантс-Пойнт, Фордэм, Хайбридж, Тремонт, Южный Бронкс; Бруклинда - Бедфорд-Стайвесант, Шарқий Нью-Йорк, Браунсвилл; Манхеттенда - Мидтаун, Шарқий Гарлем; Квинсда - Ямайка.

Сўнгги хабарлар