Нью-Йорк АҚШда эвтаназияга рухсат берган 14-штат бўлди
ASTANA. Kazinform — АҚШнинг Нью-Йорк штатида тузалмас касалликка чалинган беморлар учун эвтаназияга расман рухсат берилди. Бу ҳақда БЕЛТА хабар берди.
Губернатор Кэти Хокул тегишли қонунни имзолади. Ҳужжат умр давомийлиги олти ойдан ошмайди, деб баҳоланган беморларга нисбатан қўлланилади.
Қонунга мувофиқ, тузалмас ташхиси тасдиқланган, 18 ёшга тўлган, ақлий ҳолати жойида бўлган ва шифокор тайинлаган дори воситасини мустақил равишда қабул қила оладиган Нью-Йорк аҳолиси ҳаётни ихтиёрий равишда якунлаш учун мўлжалланган махсус дори-дармонни олиш бўйича ариза бериш ҳуқуқига эга.
Ҳужжатда ушбу ҳуқуқдан фойдаланиш учун қатъий талаблар белгиланган. Жумладан, ариза берувчи Нью-Йорк штатида доимий яшаши ҳамда руҳий ҳолати бўйича махсус текширувдан ўтиши лозим.
Нашрнинг ёзишича, бу АҚШда эвтаназия бўйича қабул қилинган энг қатъий қонунлардан бири ҳисобланади.
Қонун кучга киргач, Нью-Йорк эвтаназияни қонунийлаштирган АҚШнинг 14-штатига айланди.
Эслатиб ўтамиз, аввалроқ Лотин Америкасида эвтаназияни биринчи бўлиб Уругвай қонунийлаштиргани ҳақида хабар берилган эди.
