Нурқанат Серикбаев ҳарбийлар ўртасида жаҳон чемпиони бўлди

ASTANA. Kazinform – Ҳарбийлар ўртасидаги дзюдо бўйича жаҳон чемпионатида қозоғистонликлар бир қанча совринли ўринларни қўлга киритди.

ҚР Спортни ривожлантириш бошқармасидан маълум қилишларича, 29 давлатдан 214 нафар спортчи иштирок этган мусобақанинг биринчи кунида улар 1 олтин, 1 кумуш ва 2 бронза медални қўлга киритди.

60 кг вазн тоифасидаги финал баҳсида қозоғистонлик Нурқанат Серикбаев яна бир ҳамюрти Шерзод Давлатовни қўшимча дақиқаларда мағлуб этди. Шерзод Давлатов кумуш медални қўлга киритди.

66 кг вазнда Жанарис Рахметқали Шимолий Корея вакили Ри Кум Сонгни ортда қолдирди. 73 килограмм вазнда Бақитжан Абдурахманов арманистонлик спортчи Артак Торосянни мағлуб этди.