Нурбек Оралбай бокс бўйича жаҳон чемпионатининг ярим финалига йўлланма олди

TASHKENT. Kazinform – Қозоғистонлик спортчи Нурбек Оралбай Тошкентда бокс бўйича эркаклар ўртасида ўтказилаётган жаҳон чемпионатининг ярим финалига чиқди, деб хабар беради Kazinform мухбири.

Нурбек Оралбай 80 килограмм вазн тоифасида Осиё чемпиони иорданиялик Хуссейн Эйшаиш Ишайш билан куч синашди.

Ўтган йили Иордания пойтахти Амман шаҳрида ўтказилган Осиё чемпионатининг ярим финалида Нурбек бу боксчига йўл бериб, бронза медали билан кифояланган эди.

Бу сафар дастлабки икки раундда барча беш ҳакам қозоғистонлик боксчига устунлик берди. Якуний ҳисоб 5:0.

Шу тариқа Нурбек иорданиялик боксчини мағлуб этиб, ярим финалга йўлланма олди.

Муаллиф: Ғайсағали Сейтақ