Нур-Султанда Қозоғистон Мустақиллигининг 30 йиллигига бағишлаб автопарад бўлиб ўтди
NUR-SULTAN. Kazinform – «Jas Otan» пойтахт филиали Қозоғистон Мустақиллигининг 30 йиллиги арафасида автопарад ташкил қилди, деб хабар беради Kazinform шаҳар ҳокимлиги расмий сайтига таяниб.
«Қозоғистон» спорт мажмуаси ёнидан автомобиллар карвони йўлга чиқди. Маршрутнинг сўнгги нуқтаси - Қозоғистон Республикасининг марказий байроғи ҳисобланади. Байрам кортежи 10 км масофани босиб ўтди. Ҳар бир машинада Қозоғистон байроғи кўтарилди.
Акцияда кўнгиллилар ва ёшлар ташкилотлари вакиллари фаол иштирок этдилар.
Автопараднинг асосий мақсади - қозоқ халқининг ҳамжиҳатлиги ва бирдамлигини кўрсатиш, шунингдек, ёшларда ватанпарварлик туйғусини тарбиялашдан иборат.
