Нур-Султанда Евроосиё ҳукуматлараро кенгашининг кенгайтирилган йиғилиши бошланди

None
None
NUR-SULTAN. Kazinform – Бугун Нур-Султанда Евроосиё ҳукуматлараро кенгашининг кенгайтирилган йиғилиши бошланди, деб хабар беради Kazinform мухбири.

Йиғилишда Арманистон, Беларусь, Қозоғистон, Қирғизистон, Россия бош вазирлари ҳамда Евроосиё иқтисодий комиссияси ҳайъати раиси иштирок этади. Шунингдек, ЕОИИ кузатувчи давлатлари – Молдова, Ўзбекистон ва Кубанинг иштироки режалаштирилган.

Евроосиё ҳукуматлараро кенгашининг кенгайтирилган йиғилишининг кичик ва кенгайтирилган формати ҳисобга олинади. Бугунги кенгайтирилган йиғилиш кун тартибидан Евроосиё иқтисодий иттифоқига аъзо давлатлардаги макроиқтисодий вазият ва барқарор иқтисодий ривожланиш, қишлоқ хўжалиги маҳсулотларини тезлаштирилган контейнер ташиш бўйича қўшма лойиҳа, ЕОИИга олиб кирилаётган товарларни назорат қилиш механизми тўғрисидаги битимни амалга ошириш билан боғлиқ масалалар ва бошқа мавзулар шулар жумласидандир.

Эслатиб ўтамиз, Қозоғистон бош вазири Алихан Смаилов Евроосиё ҳукуматлараро кенгаши йиғилиши доирасида Евроосиё иқтисодий комиссияси ҳайъати раиси Михаил Мясникович билан музокаралар ўтказди.

24 феврал куни Қозоғистон бош вазири Россия Федерацияси ҳукумати раҳбари Михаил Мишустин билан учрашди.

Алихан Смаилов Евроосиё ҳукуматлараро кенгаши мажлиси доирасида Беларус Республикаси Бош вазири Роман Головченко билан ҳам икки томонлама музокаралар ўтказди.

Бундан ташқари, Қозоғистон Бош вазири Алихан Смаилов Қирғизистон Республикаси Вазирлар Маҳкамаси раиси Ақилбек Жапаров билан учрашди.


Сўнгги хабарлар