Нур-Султан ва Алматидаги корхона ва ташкилотлар ёпилади
NUR-SULTAN. Kazinform – 30 мартдан 5 апрелгача Нур-Султан ва Алматида корхона ва ташкилотлар фаолияти тўхтатилади. Бу ҳақда Kazinform primeminister.kz сайтига таяниб хабар беради.
Қозоғистон Бош вазири Асқар Мамин раислигида Қозоғистон Президенти ҳузуридаги Фавқулодда вазиятлар бўйича давлат комиссиясининг йиғилиши бўлиб ўтди.
Мамлакатдаги санитария-эпидемиологик ҳолат тўғрисида соғлиқни сақлаш вазири Е.Биртанов, Нур-Султан ва Алмати шаҳарларининг ҳокимлари – А.Кулгинов ва Б.Сағинтаев хабар қилди.
Давлат комиссияси жорий йилнинг 30 мартидан 5 апрелига қадар Нур-Султан ва Алмати шаҳарларида коронавирус инфекциясининг тарқалишини чеклаш мақсадида давлат идоралари, ҳокимиятлар, ҳуқуқни муҳофаза қилиш органлари, соғлиқни сақлаш ташкилотлари, оммавий ахборот воситалари, озиқ-овқат дўконлари, дорихоналар ва ҳаёт кечиришни таъминлаш ташкилотларидан ташқари, барча корхона ва ташкилотлар фаолиятини тўхтатиб туриш тўғрисидаги қарорни тасдиқлади. Тўлиқ рўйхат шаҳар ҳокимлиги билан келишилган ҳолда аниқланади.
